أحـــمـــد ¨°o.O أمير العشاق O.o°¨
عدد الرسائل : 2 العمر : 38 المزاج : fallen in love تاريخ التسجيل : 08/05/2008
| موضوع: حبيبتى منى الأربعاء مايو 21, 2008 12:13 am | |
| حبيبتى منىمش عارف أبدأ كلامى بإيه والله يامنى بس ملقتش أجمل من كلمة بحبك علشان أبدأ بيها كلامى((بحبك))فى البداية يامنى أحب أفكرك إنى لا بجامل ولا بكذب عشان كده كل كلمة هتقريها هنا هتكون خارجة من قلبى بجد... تعالى نقول اللى فى نفسنا ونسيب قلوبنا تعبر عن اللى جواها. منى أنا لقيت فيكى صفات جميلة جدا صعب تكون موجودة فى أى بنت.. حقيقى يامنى صعب تكون موجودة فى أى بنت.. حنية ملهاش حدود ، طيبة قلبك ، وفى نفس الوقت إنسانة عاقلة جدا وده اللى عجبنى فيكى يامنى إنك قدرتى توفقى بين طيبة القلب والعقل ، وفوق ده كله مقدرش أنسى إنك إنسانة متدينة وأخلاقك ممتازة زائد إنك من أصل طيب وده واضح طبعا من التربية اللى انا شايفها على أخلاقك يامنى ؛ يعنى تقدرى تقولى كده إنسانة يتمناها أى راجل فى الدنيا. تيجى يامنى نشوف مع بعض أنا كلامى مظبوط ولا لأهفكرك بحديث الرسول عليه الصلاة والسلام اللى بيقول: " تنكح المرأة لأربع: لمالها، ولحسبها، ولجمالها، ولدينها، فاظفر بذات الدين تربت يداك". تعالى كده يامنى نمسك نقطة نقطة مع بعض : 1- لمالها: ما شاء الله يامنى ربنا يكرمكوا ويزيدكوا أكتر وأكتر ، الحمد لله مفيش مشكلة بالنسبة للنقطة دى بس والله الذى لا إله إلا هو الماديات يامنى متفرقش معايا نهائى وأحب أقولك حاجة مهمة جدا أنا مش الراجل اللى يقبل على نفسه إنه يعيش عالة على مراته ، يعنى ناكل عيش حاف وانتى راضية معايا ولا إنى أمد إيدى لحد حتى لو كانت مراتى ؛ كل اللى أنا عايزه إنتى يامنى لا أكتر ولا أقل ، كمان أحب أطمنك يامنى إنى إنسان طموح وأظن إنك عارفة ده كويس يعنى مش هسمح أبدا إنى أعيشك معايا فى ظروف صعبة إن شاء الله لإنى بحبك يامنى وأتمنى أخليكى أسعد إنسانة فى الدنيا. 2- لحسبها: الحمد لله يامنى مش هلاقى أصل طيب وناس محترمة أناسبهم وأبئى واحد منهم زيكوا ، وده واضح جدا سواء من ناحية المستوى الإجتماعى ما شاء الله باباكى دكتور وإنسان مكافح وطموح أو من ناحية الأخلاقيات وده واضح جدا عليكى يامنى ؛ أكيد أخلاقك اللى لمستها فيكى جزء من أخلاقهم ؛ بجد باباكى وماماتك عرفوا إزاى يربوا زوجة صالحة تقدر تتحمل المسؤلية وتسعد الإنسان اللى هتعيش معاه بقيت عمرها. 3- لجمالها: ما شاء الله يامنى إنتى أمورة وأحب أعرفك نقطة مهمة جدا وهى إنى بشوف الإنسانة اللى بحبها أجمل مخلوقة فى الدنيا يعنى إطمنى يامنى من بعد ما حبيتك وانا عينى مابتشوفش غيرك لإنك فعلا والله تستاهلى كل خير. 4- لدينها: بالنسبة للنقطة دى يامنى أنا بجد بحسد نفسى عليكى لإنك ما شاء الله متدينة وأخلاقك عالية ، ربنا يقدرنى وأعمل كل اللى يرضى ربنا عشان يوفقنى وأكون إنسان مناسب ليكى فعلا يامنى ، وانا عارف ومتأكد إن وجودك جنبى هيغير كتير من حياتى وهتعالجى النقط السلبية اللى موجودة فيا ؛ تعرفى يامنى وانا بكتب دلوقت شفت نفسى فى المستقبل وتخيلت أد إيه هكون إنسان ناجح بوجودك جنبى وأد إيه هتزقينى دايما لقدام وهتقفى جنبى فى الأوقات الصعبة ؛ منى أنا شايفك مثال للزوجة الصالحة عشان كده بدعى ربنا يوفقنا ونكون لبعض. بعد ما شوفنا النقط كلها تفتكرى كده إنتى كتير عليا ولا لأ ؟ بلاش تردى إنتى يامنى سبينى أرد أنا على السؤال ده ؛ أه كتير عليا يامنى لإنك إنسانة مميزة وتستاهلى كل خير والله ، عشان كده أنا بقول الحمد لله إن ربنا رزقنى الحب الكبير ده من إنسانة جميلة زيك. [center] | |
|